بخصوص الألفاظ الغير لائقة

لاحظت ان أحد الأعضاء دائم الرد بالفاظ غير لائقة على أعضاء آخرين فى كل مشاركاته
فأرجو منكم المشورة قبل اتخاذ الإجراء الازم حتى لا نظلم احد.
فى انتظار الردود

مشرف عدد الرسائل : 168 : تاريخ التسجيل : 07/09/2007

اعتقد ان مش الردود الغير لائقة كانت علىأحد الأعضاء بس فى اعضاء كتير عانوا من نفس المشكلة والردود السخيفة بدون اى داعى من العضو المذكور .

اما عن القرار بشان ذلك فارجو من الادارة مراعاة مصلحة المنتدى فى المقام الاول.

المفروض انى مردش فى حاجه زى دى

انما لازم اقول رايى

هو بيرد على متعمد الكلام الى بيقوله

وانا عن نفسى بعت له عده رسائل خاصه عايز اعرف ايه السر وراء الردود دى

وكان رده لى ان ده مش رايه لوحده انما ده راى المنتدى ككل

وانا مش عارف كلامه فعلا صح ولا هو بيوقع بينى وبين المنتدى

ارجو الأفاده من الأعضاء

يعنى عايز الكل يقول رايه فى الموضوع ده

وياريت الساده المسؤلين عن الأداره ميحذفوش المشاركه دى كمان

أطالب كل الأعضاء التدخل للإدلاء برأيهم حتى نصل الى قرار سليم.

بسم الله الرحمن الرحيم
بعد التحيه لكل اعضاء المنتدى الاعزاء
اما بعد فانا شخصيا ضد اى قرار تعسفى من قبل اداره المنتدى اللى انا شخصيا واحد منهم

ثانيا احب اوجه رساله للعضو المحترم هوبا واقوله انت كنت عجبتنى وكنت احترمتك لما كنت بترد على العضو اللى بيغلط فى حقك ده باحترام وكنت بتحاول تكسب وده وتعرف هو بيعمل معاك ليه كده

بس للاسف انا قريت لك شويه رسايل خاصه انت بعتها للعضو ده وبتسخر منه وتتريق عليه
افتكر الكلام ده حصل بالفعل صح؟ انا شفت الرسايل دى بنفسى

خلاصه الكلام انت لو كنت التزمت الصمت وسيبت اداره المنتدى تاخدلك حقك كنا كلنا هنايدك
اما دلوقتى انت اخدت حقك بنفسك ورديت عليه بنفس الطريقه
انت اخدت حقك فاعتقد انك دلوقتى ملكش حق عند اداره المنتدى

انا مش بايد العضو التانى ده لا والله
كل الحكايه انى نفسى الناس تحترم بعضها فى الاول عشان نعرف نطبق القوانين
من غير ما نظلم حد

وشكرااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

وعلى فكرة يا عم هوبا انا اول واحد طلبت من المدير انه يتخذ القرار المناسب مع العضو ده

يا جماعه احنا هنشتغل فى المنتدى ولا هنقعد نشتم ونغلط فى بعض

وانا بطلب من اداره المنتدى ان اى حد هيغلط فى احد الاعضاء من دلوقتى وجاى

سوف يتم طرده من المنتدى ؟
وعفا الله عما سلف

وياريت الناس تتصافى وتتصالح مع بعض

وشكرااااااااااااااااااااااااااااااااااااااااااااااااااا

اولا احب اوضح للدكتور تامر انى انا انى انا مسخرتش من العضو ده

عارف ليه لأن ده عمره مكان اسلوبى فى الكلام مع الناس

وانت بتقول انك اتطلعت على الرسايل الخاصه يبقى فين السخريه

ودى الرسايل الى انا بتها ورده عليها ومتزعلش

اول رساله منه (كل سنه وانت طيب يا...............مشرف)
الرد بتاعى عليه (كل سنه وانت طيب ياباش مهندس وانا عبدالوهاب فوزى هو ده اسمى مش مشرف ولو متعرفشى اسمى حضرتك يبقى الأولى hoooba شكرا ليك على التهنئه )

بعد كده انا بعتله رساله وهى دى (ازيك يا هندسه انا كان لى عندك سؤال وعايز اجبته بصراح انت ردودك على الناس كلها كده ولا على انا بس يعنى فى حاجه بينى وبينك وانا اصلا محصليش الشرف بيك يعنى اكيد مفيش بينى وبينك حاجه)

وكان رده على كده (على فكرة ده مش رايى انا بس ده راى اللى على المنتدى كلهم )

يبقى السؤال يا دكتور تامر مين الى بيسخر من مين انا

ووهم دول الرسائل الى اتبعتت والى موجوده فى صندوق الرسائل الخاصه

وعلى فكره انا كلمت الأداره فبل كده وقالو بعتوا رساله تحذير وحذفو الردود بتعته على موضيعى

ورجع ورد على بنفس الأسلوب وكتبت انا مشاركه فى قسم الشكاوى واتحذفت

بس كده خلاص صدقنى اى رد له تانى على باسلوب مش كويس انا هرد عليه

وبنفس اسلوبه وعارف ان ده مش حل للموضوع بس ده الى الحل الى انتم عيزنه مش انا الى عيزه

لأن الظاهر فى المنتدى ده انه مبنى على الصداقه ازاى واحد صديق للاداره واحد تانى يشتكيه

لأ مينفعشى ده صحبكم نطرد التانى لو مش عاجبه

لو هو ده الأسلوب بتاعكم

يبقى مش عارف اقلكم ايه

وشكرا ليكم

يا أخ عبد الوهاب
أرجو منك الا تخلط بين معرفة الناس ببعض وأن تميل الادارة لعضو معين بحجة انه صديق
من فضلك اذا تعرضت لرد لا يعجبك
من البداية ادخل ادارة المنتدى قبل ان ترد انت
فلقد شلت يد الادارة بردكم على بعض
فانا من راى د/ تامر عفى الله عما سلف
وسترى رد فعل الادارة اللى مش عجباك فى المرة القادمة
وشكرا

خلاص يا استاذ احمد انا مع حضرتك انت والدكتور تامر

وعفى الله عما سلف

وهبدا بوضع مواضيعى فى المنتدى زى ما كنت

وان حد رد على رد مش كويس انا مش هرد

بس يا ريت الأدراه هى الى ترد

خلاص يا استاذ احمد انا مع حضرتك انت والدكتور تامر

وعفى الله عما سلف

وهبدا بوضع مواضيعى فى المنتدى زى ما كنت

وان حد رد على رد مش كويس انا مش هرد

بس يا ريت الأدراه هى الى ترد

وشكرا للاهتمام

اذن نعمل سويا على بركة الله