مجرد راى

قسم الشعر والخواطر

القسم ده منقسم لحاجتين

اولا الشعر :

وده يا اما لشعراء مشهورين او لأعضاء المنتدى الكرام

ثانيا الخواطر:

وده من وجه نظرى لأعضاء المنتدى فقط يعنى معلش يا ريت محدش ينقل مواضيع لوعايز تحط موضع

يا ريت يكون من كتاباتك انت يعنى مش منقول وده ليك ولى حتى يتثنى للاعضاء قراءه كتاباتك والرد عليها

وفى حاجه كمان

بعض من المشاركات ملهاش اصلا صله بقسم الشعر والخواطر يعنى مرتبطه بقسم اخر وبالرغم من ذالك يتم وضعها

فى ذالك القسم ليه مش عارف والمفروض يتم نقلها من قبل المشرف

وفى حاجه كمان

الردود : الكثير من الأعضاء يدخل يشاهد الموضع ويخرج من غير حتى كلمه شكر يشجع بيها صاحب الموضوع

مع ان كتابه الرد مش هياخد منك اكتر من دقيقه للكتابه والأرسال يبقى ليه منردش نلاقى عدد المشاهدات كتيييييييييييييير

والرد واحد او اثنين وفى حالات مفيش خالص رد برايك على الموضوع رايك يهمنا

تمام بس ان معترض على حتة الخواطر ديه

لا انا مش معاك خالص

لأن بجد مينفعشى انى احط موضوع هنا مش من كتبتى انا وانقله

ولما يكون الموضع اصلا مش خاص بالخواطر انقله ليه لمجرد انى عايز اشارك بيه

مينعشى كده الموضوع هيتحط لازم يكون خاص بالقسم ده وانا اتكلمت عن القسم ده بالذات

وبعدين عايز تحط موضوع منقول عندك قسم الحب والرومانسيه عندك قسم المنتقشات الأدبيه

عندك القسم العام ممكن تحط المشاركه فى الأقسام دى وممكن تكون المشاركه هو ده مكنها الصح

ياريت نمشى فى المنتدى صح شويه ونحافظ على النظام وبعدين متنساش يا بو حميد اننا

المفروض نكون قدوه لباقى الأعضاء

على فكره انا مش قاصد عضو معين انا بتكلم بصفه عامه

اسف للمداخله بس لو اديتونى الحق ...........

انا شايف ان الخواطر دى فعلا حاجه شخصيه ....... ويا ريت ان اللى يكتبها تكون خاصه بيه فعلا ويكون شرط اساسى انها تكون بتاعته .......
وده فى حد ذاته ابداع ومش لازم علشان اكون مميز انى اضع مواضيع وخلاص فى كل منتدى او قسم لكن احط حاجه مميزه والمميز هنا انى انا اللى اكون كاتبها باحاسيسى او تجربتى ودى هتكون اقوى ....لان موضوع نقلها بكون كده نقلت احاسيس وتجارب غيرى ............
لكن ممكن فعلا الاقى حاجه كويسه ومميزه مفيش مانع انى احطها بس اما فى المواضيع العامه واشير لنقلها .........
او بلاش منها .....عاوزين دى تكون حاجه نابعه مننا احنا ...اعتقد ان لها طعم تانى

ربنا معاكم وانا معاك يا هوبا انت ومحمد فى الرأى ده
وميرسى على الأهتمام

ماشى

كلامك منطقى يا عبده بك

ياريت افلام لبروسلى وتكون سهلة التحميل وشكرا لكم جدا جدا جدا جدا

اريت ياجماعة افلام لبروسلى

يا سيدى الفاضل ده مش مكان طلبات الأفلام

بس على العموم انت لو عاوز افلام لبروسلى

ده ممكن يبقى سهل لو استخدمت برنامج ارز

وبحثت عن اسماء الأفلام اللى انت عاوزها

انما لو عاوز روابط انا منصحكش لأنك بصراحه هدوخ نفسك على الفاضى

انا كنت زيك ودورت على روابط وكلهم طلعو بيظين ولأنى شغال على ارز هو الأفضل

ولو انت مستعجل انا عندى اربع افلام

وتحت امرك

عادي جدا مش لازم يعني تأليف