أختبار أذكي أذكياء المنتدي

هاي أزيكو انا جيبلكم فكرة يارب تعجبكم
بصو الموضوع ده عبارة عن أن في شخص ها يدخل يحط فزورة والي يجاوب عليها يحط الي بعدها
وها كذا لحد ما تيجي فزورة ما حدش يعرف يحلها خالص وكلنا نأجمع علي كده ونطلب حلها من صاحب الفزورة
ويحلها ويحط فزورة تانية أو يرشح حد لحط فزورة تانية
يارب الموضوع يعجبكم

وانا يا جماعه هحط اول فزوره
فزرو رياضيه حلوه اوى ومش صعبه والله
المهم عشان اسهل الفزوره هخليها باسماء افتراضيه مثلا خالد واحمد
المهم خالد: بيقول لاحمد فين اقرب مكتب بريد هنا ؟
احمد: انت هتمشى الشارع الطويل هو 7 كيلو وهتلاقى المكتب قدامك
خالد: طيب ممكن توصلنى ؟
احمد: طيب انا ممكن اخد فلوس واوصلك
خالد: انا معايا قطعه ذهب طولها 7 سنتيمتر لما توصلنى هديهالك
احمد: لا انا عايز كل كيلو سنتيمتر ذهب عشان اضمن حقى
خالد: اوك انا موافق
لحد دلوقتى مفيش فزوره الفوزره فى ازاى خالد هيديله كل كيلوا سنتيمتر ذهب وهو معاه سكينه بتقطع مرتين بس مش اكتر ومع ذلك هيقطع قطعه الدهب وهيديله فعلا كل كيلو سنتيمتر دهب
يالا اسبكم تفكروا
يارب اكون عرفت اوصلكم الفزوره

عيشوا بأه يا رب ما حدش يعرف يجاوب عشان أجاوب نا وأحط تاني Idea

بسيطة أوي ... مفيش مشكلة خالص ... هيقطع من القطعة الأصلية دي قطعة كاملة علي هيئة أربع قطع ... يبقي كده السكينة قطعت مرة ... وبعدين يقطع القطعة المتبقية قطعة كمان علي هيئة قطعتين ... وكده السكينة خلاص ... وهيتبقي له قطعة واحدة من القطعة الأصلية علي هيئة قطعة واحدة ... بس وبعدين يديله 1 وفي الكيلو التاني يديله 2 وياخد واحدة والتالت يديله واحدة والرابع يديله 4 وياخد 3 وهكذا ......................... أرجو المزيد

theworldatnight999 كتب:: بسيطة أوي ... مفيش مشكلة خالص ... هيقطع من القطعة الأصلية دي قطعة كاملة علي هيئة أربع قطع ... يبقي كده السكينة قطعت مرة ... وبعدين يقطع القطعة المتبقية قطعة كمان علي هيئة قطعتين ... وكده السكينة خلاص ... وهيتبقي له قطعة واحدة من القطعة الأصلية علي هيئة قطعة واحدة ... بس وبعدين يديله 1 وفي الكيلو التاني يديله 2 وياخد واحدة والتالت يديله واحدة والرابع يديله 4 وياخد 3 وهكذا ......................... أرجو المزيد

أذكي أذكياء المنتدي أهه يا جماعة

بس انت الي المفروض تحط فزورة او ترشح عضو يحط فزورة
تسلم يا مان

مش أوي كده .. لو عندك فزورة حطيها وياريت تكون رياضية ..............

بصوا يا جماعه دى فزوره عاديه جداااا
انت سواق ماشى على الطريق
معاك25 شخص نزلوا فى المحطه الأولى 2وبعدين نزل بعد 2 كيلو 2تانين
وبعد 5 دقائق نزل3ووقفت مدة ربع ساعه
وبعدين مشييييت مسافة 3كيلو ونزل 5ركاب
وبعدنص كيلو نزل3ركاب
بعد شويه من الزمن نزل 3ركاب
اتبقى شوية ركاب نزل نصهم بعد نص ساعه من الركوب
والاقى نزل بعد ساعه ونص من الركوب
الفزورة بئه
السواق عنده كام سنه؟؟؟؟؟؟

18 سنة شوف غيرها

طب لو عندنا 9 تفاحات وعيزين نحطهم في اربع اكياس كل كيس فيه عدد فردي ومش متكرر وميكنش في كيس فاضي................................كل كيس في كام تفاحة؟؟؟؟؟

في عضو عارف نفسه كويس يريت ميجوبش يسيب غيرهيرد.......اما نشوف الرجالة هيعملو ايه

بص يا عم الكيس الأول نحط فيه 3
والتانى نحط فيه 3
هايتبقى 3
نحط كيس جوه كيس
ونحط فيه 3
وبكده يكون الكبير فيه 3
واللى جواه فيه 3
شووووووووووف غيرها

يااااه ... كل الألغاز دي حطتوه وأنا مشوفتهاش ... ياخسارة !!!!!!!!!!!!!!!!!

تقاسم ثلاثة أشخاص كمية من التفاح أخذ الأول ثلثين الكمية وثلث تفاحة وأخذ الثاني ثلثين الكمية الباقية وثلث تفاحة أخذ الثالث ثلثين الكمية الباقية وثلث تفاحة فلم يتبق أي تفاحة وكل التفاحات سليمة لم تقسم كم كان عدد التفاح ؟

ياريت مشرف القسم يثبت الموضوع ده ....................

يبني قولتلك مينفعش ارقام تتكرر وهي لو سهلة كدة مش هحطها

حلوة اشوف غيرها دي ليه حد قلك ان التفاح بيصر مية ولا هتطه في كيس اسود عشان محدش يشوفه

اهدي شوية يادوك ... مش كده ... وبعدين محدش حل اللغز بتاعي ليه ؟؟؟؟؟؟؟؟؟؟؟؟؟؟

ياه كل ده حصل وانا مش موجوده
يا جماعة لازم شوية نطام ومحدش يحط فزورة غير الي جاوب صح واتأكد ان أجبته صح من صاحب الفزورة أو يرشح غيره يحطها
أرجوا الحفاط علي النطام

بالنسبة لفزورة العضو theworldatnight999

بيتهيالي الأجابة ها تبأه 3 تفاحات
انا عرفه أنك عاوز المعدلات بس قولي الاول صح ولا غلط وانا اقولك جبتها ازاي لو صح

أما بالنسبة لفزورة العضو dr_vampire402

تقريباً ومش اكيد أول كيس ها يبأه فيه تفاحة واحدة
والثاني 3
والتالت 3 وتلت
والرابع واحد وتلتين

انا فكرت فيها كتير واما لقتش حل غير بالكسور وعلي ما اعتقد انه غلط
ماهو يا كده يأمه حد يكل التفاح ويخلصنا منه او يقطع الاكياس

بالنسبة للغزي 3 اجابة غلط .................

بالنسبة للغز DR VAMPIRE حاول التفكير مرة أخري ... ليه كل الكسور والبوليكا دي كلها .................

انا فشلت حد تاني يجاوب ولو ماحدش عرف وأجمعنا علي كده صاحب الفزورة يحلها

ياعم الحج هى اتحلت مرة قبل كده
الكيس الأول تفاحه
والتانى تفاحه
والتالت تفاحه
هايفضل 6 تفاحات
نحط كيس جوه كيس ونحط فيه 3تفاحات
والأخير الكبير فيه 3 تفاحات
وخلالالاص

يامان اهدي شوية ... انت فعلا حلتها ... بس انت حلتها غلط قبل كده والحل ده كمان غلط يعني المرتين غلط ... انت مش ملاحظ انه قال مفيش عدد يتكرر وانت في المرتين كررت أعداد ... أول مرة كررت الأعداد كلها وتاني مرة كررت 3 أعداد ... وهو قالك مفيش عدد فردي يتكرر ........

أرجو التفكير مرة أخري .............................

انا ماقرأتش مفيش عدد يتكرر على فكرة